Yaponiya üzrə "İxrac bələdçisi" hazırlanıb

İxracın və İnvestisiyaların Təşviqi Agentliyi (AZPROMO) sahibkarların ixrac əməliyyatlarının həyata keçirilməsinə hazır olması, onları ixrac prosesinin bütün mərhələləri – müxtəlif xarici ölkələrin idxal prosedurları və tələbləri ilə bağlı nəzəri məlumatlandırmaq məqsədilə Yaponiya üzrə "İxrac bələdçisi" hazırlayıb.

Bu barədə "Report"a AZPROMO-dan bildirilib.

"İxrac bələdçisi" vasitəsi ilə Yaponiya, eləcə də bu ölkənin bazarının mühiti haqqında ümumi məlumatla yanaşı, ixrac prosedurları, etiketləmə tələbləri, qablaşdırma və qida əlavələri, həmçinin zəruri olan biznes etikası ilə bağlı qaydaları ilə tanış olmaq mümkündür.