Xorvatiya şirkətləri Azərbaycan sahibkarları ilə əməkdaşlıq etmək istəyir

Bakı. 25 yanvar. REPORT.AZ/ Xorvatiyanın “EBC Technology” və “FRASSINOX BOŽIĆ” şirkətləri Azərbaycanın sahibkarları ilə əməkdaşlıq etmək istəyir.

“Report” bu barədə Azərbaycanda İxracın və İnvestisiyaların Təşviqi Fonduna (AZPROMO) istinadən xəbər verir.

Qeyd edək ki, “EBC Technology” şirkətinin əsas fəaliyyəti metal növlərinin, dəmir-beton konstruksiyalarının və daşların kəsilməsində istifadə olunan alətlərin və boru elektrodlarının istehsalı və satışıdır. “FRASSINOX BOŽIĆ” şirkəti isə ərzaq, kimya və əczaçılıq sənayesi üçün avadanlıqların istehsalında və xidmətində ixtisaslaşıb.