“Xalq Bank”ın səhmdarları yenidən təşkil olunur

“Solid Team” MMC “İdeal Biznes Ko.” MMC-yə, “Grand-Lead” MMC isə “Yevro Standart” MMC-yə qoşulmaları ilə əlaqədar ləğv olunduqlarını elan edib.

“Report” bu barədə İqtisadiyyat Nazirliyi yanında Dövlət Vergi Xidmətinin “Vergilər” qəzetinə istinadən xəbər verir.

Məlumata görə, bununla əlaqədar “İdeal Biznes Ko.” və “Yevro Standart” yenidən təşkil olunacaq.

Xatırladaq ki, adı çəkilən şirkətlər "Xalq Bank" ASC-nin səhmlərinin müvafiq olaraq 50 %-nə və 33,85 %-nə nəzarət edir.