Azərbaycan Gürcüstandan dərman idxalını 37% azaldıb

Bu ilin ilk yarısında Azərbaycan Gürcüstandan 253 ton medikament idxal edib.

Bu barədə “Report”un Gürcüstan bürosuna ölkənin Milli Statistika İdarəsindən bildirilib.

Qonşu ölkədən Azərbaycana ixrac olunan dərman vasitələrinin ümumi dəyəri 6 milyon ABŞ dolları təşkil edib.

İllik müqayisədə Azərbaycanın Gürcüstandan aldığı dərman preparatlarının həcmi 37% azalıb.