"Visa Token Service" xidmətinin işə salınması üçün Azərbaycanın Mərkəzi Bankı ilə müzakirələr aparılır

"Visa Token Service" xidmətinin işə salınması üçün Azərbaycanın Mərkəzi Bankı ilə müzakirələr aparılır Qurum rəsmisi premium müştərilər üçün “Visa”nın xüsusi təkliflər və endirimlər proqramı təklif etdiyini qeyd edib
Biznes
3599
29 Mart , 2017 20:09
Visa Token Service xidmətinin işə salınması üçün Azərbaycanın Mərkəzi Bankı ilə müzakirələr aparılır
Report.az

Bakı. 29 mart. REPORT.AZ/ "Azərbaycan bankları tərəfindən buraxılan “Visa” kartları üzrə 2016-cı ildə ABŞ dollarında edilən nağdsız ödənşlərin həcmi 2015- ci il illə müqayisədə 7% azalıb. Eyni zamanda, nağdsız ödənişlərin ümumi əməliyyatların həcmindəki xüsusi çəkisi (əməliyyatların ümumi həcminə, həmçinin, nağdlaşdırma daxildir) 11.2%-dən 12.1%-ə yüksəlib. Bu isə onu göstərir ki, Azərbaycanda istehlakçılar nağdsız ödəniş formasına daha çox etibar edirlər". 

Bunu "Report"un sorğusuna cavablandıran "Visa International" təşkilatının Azərbaycan, Moldova və Belarus üzrə regional meneceri İqor Kovalyov deyib.

Onun sözlərinə görə, bu artım “Visa”nın, bankların, ticarət və xidmət müəssisələrinin komanda işinin nəticəsidir: “İlk növbədə istehlakçılara nağdsız ödənişlərin üstünlüklərinin praktikada göstərməsinə və nağdsız ödənişinin təşviqinə yönəlib. Buna misal olaraq bu yaxınlarda başlanılan "Biz eyni dalğadayıq" marketinq kampaniyasını göstərmək olar. Bu aksiya çərçivəsində “Visa” kartı ilə alış-veriş etməklə 5 ədəd VİP paket qazanmaq imkanı var və Avropanın ən böyük musiqi hadisəsi olan Kievdə keçiriləcək Avrovoziya 2017-nin qonağı olmaq olar”.

Qurum rəsmisi premium müştərilər üçün “Visa”nın xüsusi təkliflər və endirimlər proqramı təklif etdiyini söyləyib: “Bu üstünlüklərdən Azərbaycanda və bölgənin və dünyanın digər ölkələrində (MDB dövlətləri və cənub-şərqi Avropanın) yararlanmaq mümkündür. Ödəniş yeniliklərinin inkişafı üçün “Visa” şirkəti və Azərbaycanın Mərkəzi Bankı (AMB) "Visa Token Service" xidmətinin işə salınması üçün müzakirələr aparır. Tokenizasiya texnologiyası istehlakçılar üçün təhlükəsiz və rahat ödənişlərdə həlledici qüvvəyə çevrilə bilər. Tokenizasiya texnologiyası müxtəlif əməliyyat sistemləri vasitəsilə (iOs, Android, Windows Mobile ) müştərinin ödəniş kartınının rəqəmsal analoqunu mobil cihazlara təhlükəsiz formada yükləməyə və saxlamağa imkan yaradır. Tokenizasiya kart sahibinin real ödənişlərini xüsusi yaradılmış tokenlə (kartın rəqəmsal nömrəsi) əvəz edilməsinə imkan verir. Bu tokenin istifadəsi qurğu ilə məhdudlaşır, bu da müştərinin hesabına tam girişi verməməklə ödənişləri son dərəcə təhlükəsiz edir”.

Xatırladaq ki, “Visa Token Service” gələcəkdə “Samsung Pay”, “Apple Pay”, “Android Pay” və “Microsoft Wallet” kimi xidmətlər üçün mobil telefonların köməkliyi ilə kontaktsız ödənişlərin işı salınması üçün lazımdır.

Son xəbərlər

Orphus sistemi