Səfər Mehdiyev: "Dövlət qurumları gələcək risklərin müəyyən edilməsi və təsirlərinin aradan qaldırılması üçün iş aparır"

Səfər Mehdiyev: "Dövlət qurumları gələcək risklərin müəyyən edilməsi və təsirlərinin aradan qaldırılması üçün iş aparır" Son 15 ildə Azərbaycanda aparılan uğurlu islahatlar nəticəsində ölkə iqtisadiyyatına 230 mlrd. ABŞ dollarından artıq investisiya yatırılıb.
Biznes
104
29 Mart , 2019 10:51
Səfər Mehdiyev: Dövlət qurumları gələcək risklərin müəyyən edilməsi və təsirlərinin aradan qaldırılması üçün iş aparır
Dövlət Gömrük Komitəsinin sədri Səfər Mehdiyev / Report/ Firi Salim

Son 15 ildə Azərbaycanda aparılan uğurlu islahatlar nəticəsində ölkə iqtisadiyyatına 230 mlrd. ABŞ dollarından artıq investisiya yatırılıb.

“Report” xəbər verir ki, bunu İqtisadi İslahatların Təhlili və Kommunikasiya Mərkəzi və İqtisadi Əməkdaşlıq və İnkişaf Təşkilatının (OECD) təşkilatçılığı ilə keçirilən “İqtisadi islahatlar: Sahibkarlığın inkişafı və diversifikasiya” adlı beynəlxalq konfransda çıxış edən Dövlət Gömrük Komitəsinin sədri Səfər Mehdiyev deyib.

S.Mehdiyevin sözlərinə görə, bu investisiyaların 50%-ə qədəri xarici investisiyalardır:

"Sevindirici haldır ki, aparılan uğurlu investisiya siyasəti nəticəsində xarici investisiyaların həcmi 110 mlrd. dollardan artıqdır".

DGK sədri həmçinin rəhbərlik etdiyi qurumun həyata keçirdiyi fəaliyyət haqqında məlumat verərkən deyib ki, bütün dövlət qurumları gələcək risklərin müəyyən edilməsi və onun təsirlərinin aradan qaldırılması üçün işlər aparırlar.

Risklərin qiymətləndirilməsi ilə bağlı atılan addımlardan biri odur ki, hər çəki deyil, riskə düşə bilən çəkilərin yoxlanması həyata keçirildi. Həmçinin xarici ticarət fəaliyyəti iştirkaçılarına yaradılan digər imkanlar onların fəaliyyətinə müsbət təsir etdi.

Son xəbərlər

Orphus sistemi