“Silk Vey East Aviaşirkəti”nin nizamnamə kapitalı kəskin azaldılıb

"Silk Vey Holdinq" MMC-yə daxil olan "Silk Vey East Aviaşirkəti" MMC-nin nizamnamə kapitalı kəskin azaldılıb.

"Report" bu barədə İqtisadiyyat Nazirliyi yanında Dövlət Vergi Xidmətinə istinadən xəbər verir.

Məlumata görə, şirkətin kapitalı 50 000 manatdan 100 manata endirilib.

Xatırladaq ki, "Silk Vey East Aviaşirkəti" 2016-cı ildə yaradılıb. Aviaşirkət Bakının Heydər Əliyev Beynəlxalq Aeroportunda fəaliyyət göstərir.