Rusiya Ukrayna mallarının tranzitinə qadağanın müddətini uzadıb

Bakı. 2 iyul. REPORT.AZ/ Rusiya Ukraynadan müəyyən məhsullarının ölkəsindən tranzitlə Qazaxıstana və Qırğızıstana daşınmasına  qadağanı ilin sonuna qədər uzadıb.

"Report"un RİA "Novosti"yə istinadən verdiyi xəbərə görə, müvafiq sərəncamı Rusiya prezidenti Vladimir Putin imzalayıb.

Qeyd edək ki, Rusiya 2016-cı ildən etibarən Ukraynadan avtomobil və dəmir yolu vasitəsilə tranzit daşımalara qadağa qoyub. Bundan sonra Ukrayna Rusiyanı tranzit və Ümumdünya Ticarət Təşkilatının qaydalarını pozmaqda ittiham edib.