Orxan Məmmədov: "Azərbaycan və Yaponiya biznes qurumları arasında əlaqələr inkişaf etdiriləcək"

"Yaponiyanın müvafiq qurumları ilə praktik əməkdaşlığın yaradılması üzrə aktiv işləməyə hazırıq".

"Report" xəbər verir ki, bunu İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Azərbaycan-Yaponiya Dövlət Komissiyasının iclasında bildirib.

“Əsas diqqət isə bizneslər arasında əlaqələrin inkişafına yönəldiləcək. Bu barədə KOBİA-nın fəaliyyətinə dair çıxış etdim”, - O. Məmmədov qeyd edib.