Norveç şirkətlərinin Qarabağın bərpasında iştirakı müzakirə edilib

İqtisadiyyat naziri Mikayıl Cabbarov Norveç Krallığının Azərbaycandakı səfiri cənab Erlinq Skyonsberqlə görüşüb.

"Report" xəbər verir ki, bu barədə M. Cabbarov Twitter" hesabında yazıb.

"Erlinq Skyonsberqlə ticarət, investisiya və rəqəmsal iqtisadiyyat sahələrində ikitərəfli əməkdaşlığın inkişafı, işğaldan azad edilmiş ərazilərimizə Norveç şirkətlərinin cəlb edilməsi məsələlərini müzakirə etdik", - o qeyd edib.