2019-cu ildə Azərbaycan Dövlət Neft Fondu (ARDNF) Fransadakı daşınmaz əmlakdan 10,503 mln manat icarə gəliri əldə edib.
“Report” xəbər verir ki, bu barədə Neft Fondunun 2019-cu il üzrə auditi aparılmış Konsolidasiya Edilmiş Maliyyə Hesabatlarında qeyd edilib.
Bu isə 2018-ci ildən 1,85% azdır.
Fondun bu investisiyadan mənfəəti isə 8,850 mln manat (39,6% az) olub.
Bildirilib ki, bu vəsaitlər Fondun vergidən əvvəlki xalis mənfəətinə/(zərərinə) yönəldilib. Xalis mənfəətə 4,361 mln manat məbləğində ədalətli dəyər üzrə artım (2018-ci ildə 9,912 mln manat məbləğində artım) daxildir.
Fond 2013-cü il martın 19-da Parisin Vandom Meydanı 8 ünvanında yerləşən, dəyəri 135 mln avro olan müxtəlif təyinatlı ofis, ticarət və yaşayış kompleksini satın alıb.