Moskvanın iş adamları Azərbaycana səfər edəcək

Bakı. 13 noyabr. REPORT.AZ/ Rusiyanının Moskva vilayətinin İnkişaf Korporasiyası gələn ilin əvvəlində yerli iş adamlarının Azərbaycana səfərini təşkil etməyə hazırlaşır. 

“Report” Korporasiyanın Mətbuat xidmətinə istinadən xəbər verir ki, bu barədə qurumun baş direktoru Maksim Çereçnyov bildirib. 

Onun sözlərinə görə, artıq səfərlə bağlı razılıq əldə olunub. 

“Bu səfər Moskva vilayəti ilə Azərbaycan arasında biznes əlaqələrinin yeni mərhələsi olacaq. Daha sonra Azərbaycandan nümayəndə heyətinin də cavab səfəri planlaşdırılır. Biz yerli biznes icmalarının tələbləri ilə tanış olcağıq və bunun əsasında tam əhatəli cavab görüşü təşkil edəcəyik”, - deyə M.Çereçnyov qeyd edib. 

Baş direktorun sözlərinə görə, Moskva vilayətinin Azərbaycandan olan şirkətlərlə əməkdaşlığının uğurlu təcrübəsi mövcuddur. O, buna misal olaraq 2012-ci ildən Noqinsk şəhərində fəaliyyət göstərən “Baku Konserv” şirkətinin adını çəkib: "Bu şirkət Moskva ərtafında yerləşən zavoduna 2,6 mln. ABŞ dollarına yaxın investisiya  qoyub. Bu, uğurlu əməkdaşlıq üçün əla nümunədir və biz bunu Azərbaycanın Ticarət Nümayəndəliyi ilə birgə Rusiyada inkişaf etdirməyi planlaşdırırıq”.