Kola içənlər vergi ödəyəcək

Kola içənlər vergi ödəyəcək Bu vergi gələn ilin əvvəlindən ABŞ-ın Filadelfiya şəhərində tətbiq ediləcək
Biznes
130
18 İyun , 2016 16:20
Kola içənlər vergi ödəyəcək

Bakı. 18 iyun. REPORT.AZ/ ABŞ-da ilk dəfə kola içkisinə görə ayrıca vergi tutulacaq. "Report"un xarici mətbuata istinadən verdiyi məlumata görə, bu yenilik Pensilvaniya ştatının Filadelfiya şəhərində gələn ilin əvvəlindən tətbiq ediləcək.

"Kola vergisi"nin məbləği onun hər litri üçün 0,35 dollar müəyyən edilib. Bu vergini şəkərli və süni yolla dada gətirilən içki növlərinin istehsalçıları ödəyəcək. Yeni verginin yükünün istehlakçıların üzərinə qoyulub-qoyulmamasında şirkətlərə sərbəstlik verilib.

Filadelfiya şəhərinin rəhbərliyi "kola vergisi" hesabına yerli büdcə daxilolmalarını təxminən 90 mln. dollar artırmaq niyyətindədir. Bu məbləğ 1,5 mln.-dan artıq sakinin hesabına təmin ediləcək.

Mütəxəssislər hesab edirlər ki, "kola vergisi"nin tətbiqi bu növ içkiyə marağı azalda bilər, bu isə insanların sağlamlığı üçün çox vacibdir. Hazırda Filadelfiyada yetkinlik yaşına çatmış əhalinin 68%-i, uşaqların isə 48%-i artıq çəkidən, piylənmədən əziyyət çəkir. Bu baxımdan koladan imtina onlar üçün əhəmiyyətlidir.

"Kola vergisi"nin tətbiqinə ABŞ-ın 30-dan çox əyalətində cəhd edilib, amma bu cəhdlər boşa çıxıb. İçki sənayesində böyük payı olan iş adamı Harold Hanikmanın bu verginin tətbiq edilməməsi üçün 1,7 mln. dollar vəsait xərclədiyi bildirilir.

İngilis versiyası Cola drinkers to pay taxes

Son xəbərlər

Orphus sistemi