KOB İnkişaf Mərkəzindən yeni sahibkarlıq subyektlərinə dəstək

KOB İnkişaf Mərkəzindən yeni sahibkarlıq subyektlərinə dəstək 2020-ci ilin fevral ayında fəaliyyətə başlamış Xaçmaz KOB İnkişaf Mərkəzinin dəstəyi ilə indiyədək Quba-Xaçmaz iqtisadi rayonunda 4 fərdi sahibkarlıq subyekti və 5 MMC yaradılıb
Biznes
770
4 Sentyabr , 2020 12:51
KOB İnkişaf Mərkəzindən yeni sahibkarlıq subyektlərinə dəstək

Kiçik və Orta Biznesin İnkişafı Agentliyi (KOBİA) yeni sahibkarlıq subyektlərinin yaradılmasına dəstəyini davam etdirir.

“Report”un KOBİA-ya istinadən verdiyi məlumata görə, KOBİA-nın Xaçmaz KOB İnkişaf Mərkəzi tərəfindən yeni sahibkarlıq subyektlərinin yaradılması üçün biznesə başlamaqda maraqlı olan şəxslər müxtəlif təlimlərə cəlb olunur, onların potensialına uyğun müvafiq fəaliyyət sahəsi seçilir, fərdi sahibkarlıq subyektinin və ya məhdud məsuliyyətli cəmiyyətin (MMC) təsis olunması üçün sənədləşdirmə, qeydiyyat, maliyyə resurslarına çıxış və digər istiqamətlərdə dəstək göstərilir.

2020-ci ilin fevral ayında fəaliyyətə başlamış Xaçmaz KOB İnkişaf Mərkəzinin dəstəyi ilə indiyədək Quba-Xaçmaz iqtisadi rayonunda 4 fərdi sahibkarlıq subyekti və 5 MMC yaradılıb.

Yeni yaradılmış sahibkarlıq subyektləri xidmət, ticarət, tədris, kənd təsərrüfatı məhsullarının qablaşdırılması üçün tara istehsalı, məişət texnikasının onlayn satışı, süd məhsullarının sifarişlə çatdırılması, pomidor istehsalı və ixracı, gömrük təmsilçiliyi sahələrində fəaliyyət göstərirlər.

Qeyd edək ki, KOB İnkişaf Mərkəzləri sahibkarlıq subyektlərinin yaradılmasına dəstək göstərməklə yanaşı, biznesə başlamaq istəyənlərə, mikro, kiçik və orta sahibkarlara biznesin qurulması və inkişaf etdirilməsi üçün təlim və məsləhət xidmətləri təqdim edir, məlumatlandırma, əlaqələndirmə, maliyyə resurslarına çıxış və s. kimi istiqamətlərdə dəstək və xidmətlər göstərir. 

Son xəbərlər

Orphus sistemi