KİV: Çin ABŞ avtomobilləri üçün idxal rüsumunu azaldır

KİV: Çin ABŞ avtomobilləri üçün idxal rüsumunu azaldır Bakı. 11 dekabr. REPORT.AZ/ Çin hökuməti ABŞ istehsalı olan avtomobillərin idxal rüsumlarını azaltmağa hazırlaşır.
Biznes
1154
11 Dekabr , 2018 20:40
KİV: Çin ABŞ avtomobilləri üçün idxal rüsumunu azaldır

Bakı. 11 dekabr. REPORT.AZ/ Çin hökuməti ABŞ istehsalı olan avtomobillərin idxal rüsumlarını azaltmağa hazırlaşır.

“Report” “Bloomberg”ə istinadən xəbər verir ki, yaxın günlərdə rüsumları hazırkı 40 faizdən 15 faizədək azaltmaqla bağlı təklif müzakirəyə çıxarılacaq.

Bundan əvvəl ABŞ Prezidenti Donald Tramp sonuncu "G-20" sammiti əsnasında iki ölkə başçıları arasındakı danışıqlardan sonra Çin tərəfinin belə bir addım atmağa güzəşt olaraq razılıq verdiyini bildirmişdi.

Mənbələrin dediyinə görə, bu gün iki ölkənin ticarət rəsmiləri arasında telefon danışığı olub. Bu da “Huawei” şirkətinin maliyyə direktoru Menq Vanjounun ABŞ hökumətinin sorğusu əsasında ötən gün Kanadada həbs olunmasından sonra yaranan qalmaqala baxmayaraq, ticarət məsələlərinə dair tərəflər arasında təmasların davam etdiyini göstərir.

Son xəbərlər

Orphus sistemi