İqtisadiyyat naziri Biləsuvarda vətəndaşları qəbul edəcək

Bakı. 16 noyabr. REPORT.AZ/ Noyabrın 17-də iqtisadiyyat naziri Şahin Mustafayev Biləsuvarda vətəndaşları qəbul edəcək. 

“Report”un məlumatına görə, qəbulda Salyan, Neftçala, Biləsuvar və Cəbrayıl rayonlarından olan vətəndaşlar iştirak edəcək.

Vətəndaşların qəbulu saat 10:00-dan etibarən Mübariz İbrahimov küçəsi, 221 ünvanında yerləşən YAP Biləsuvar rayon təşkilatının inzibati binasında keçiriləcək.

Qəbula gəlmək istəyən vətəndaşlar qeydiyyat üçün müraciət edə bilərlər.

Bununla yanaşı, vətəndaşlar İqtisadiyyat Nazirliyinin internet və "Facebook" səhifələrində xüsusi olaraq yaradılmış "İqtisadiyyat nazirinin şəhər və rayonlarda keçirilən qəbulu üçün müraciət" bölmələri vasitəsilə də qəbula yazıla bilərlər.