"Ceoworld": Azərbaycan postsovet məkanında investisiya yatırmaq üçün II ən yaxşı ölkədir

ABŞ-ın məşhur "Ceoworld" nəşri bu il investisiya yatırmaq üçün ən yaxşı ölkələri açıqlayıb. 

"Report" xəbər verir ki, reytinq cədvəli hazırlanarkən 67 ölkə korrupsiyanın səviyyəsi, şəxsi, ticarət və pul azadlığı, əmək, investorların qorunması, infrastruktur, vergilər, həyat keyfiyyəti, bürokratiya və texnologiya kimi 11 fərqli kateqoriyada qiymətləndirilib. 

Siyahıya liderliyi Malayziya, Polşa və Filippin edir. Dünyanın ən böyük iqtisadiyyatlarına malik ölkələr ABŞ, Çin və Yaponiya isə siyahıda müvafiq olaraq 18-ci, 24-cü və 32-ci yerlərdə qərarlaşıblar. 

Azərbaycan isə 43-cü yeri tutub və Rusiya istisna olmaqla postsovet məkanında bütün ölkələri qabaqlayıb.