​İndoneziyada beynəlxalq innovasiya sərgisi keçiriləcək

Bakı. 6 yanvar. REPORT.AZ/ Bu il may ayının 15-19-da İndoneziyanın paytaxtı Cakarta şəhərində Beynəlxalq İnnovasiya Sərgisi keçiriləcək. 

“Report” Azpromo-ya istinadən bildirir ki, bu sərgi İslam İnkişaf Bankı Direktorlar Şurasının 41-ci İllik Toplantısı çərçivəsində təşkil olunacaq.

İslam İnkişaf Bankına üzv ölkələrin inkişafını dəstəkləmək məqsədilə həyata keçirilən sərgidə daha çox gənclərin bacarıqlarının gücləndirilməsi istiqamətinə yönəldilən səhiyyə, təhsil, innovasiya və məşğulluq layihələrinə üstünlük veriləcək.

Qeyd edək ki, Azərbaycan sahibkarları da bu tədbirə dəvətlidirlər.