Bakı. 13 iyun. REPORT.AZ/ "Gürcüstan və İran istiqamətlərində olan dəmir yollarında skanerlərin quraşdırılması üzrə işlər yekunlaşmaq üzrədir".
"Report" xəbər verir ki, bunu Dövlət Gömrük Komitəsinin Gömrük Nəzarətinin Təşkili Baş İdarəsinin rəis müavini Səməd Qaralov deyib.
O, tezliklə adı çəkilən ölkələrdən dəmir yolu ilə Azərbaycana gətirilən malların sürətli yoxlanılmasının mümkün olacağını vurğulayıb: "Hələ ki, dəqiq vaxtı məlum deyil. Amma skanerlərin yaxın gələcəkdə istifadəyə verilməsi nəzərdə tutulur. Bu, qatarların hərəkətini dayandırmadan malların sürətli yoxlanılmasına imkan verəcək".