Fövqəladə Hallar Nazirliyi 21 milyon manatlıq 2 tenderi yekunlaşdırıb

Fövqəladə Hallar Nazirliyinin Tibb Mərkəzi modul tipli hospitalı üçün dərman vasitələrinin, sarğı ləvazimatlarının və materialların alınması (1), eləcə də hospitaldakı pasient və işçilərin gündəlik qida ilə təmin olunmasına (2) dair elan etdiyi 2 açıq tenderə yekun vurub.

"Report" vahid dövlət satınalmaları portalına istinadən xəbər verir ki, 1-ci tenderin qalibləri "Zeytun Pharmaceuticals" MMC və "Avromed Company" QSC, 2-ci tenderin qalibi isə "Saf Catering" MMC-dir.

Qalib şirkətlərə müvafiq olaraq 9,771 milyon manat, 7,905 milyon manat və 3,707 milyon manat, ümumilikdə isə 21,383 milyon manat ödəniləcək.