EBRD "Holcim Azerbaijan"dakı payını satıb - EKSKLÜZİV

Bakı. 1 oktyabr. REPORT.AZ/ Azərbaycanın ən iri sement istehsalçısı - "Holcim Azerbaijan" ASC-nin səhmlərinin 10%-nə nəzarət edən Avropa Yenidənqurma və İnkişaf Bankı (EBRD) payını satıb.

“Report”un əldə etdiyi məlumata görə, səhmləri şirkətin digər səhmdarı - İsveçrənin “Lafarge Holcim” şirkəti əldə edib və payını 66%-dən 76%-ə çatdırıb.

"Holcim Azerbaijan"ın səhmlərinin qalan 10%-i əvvəlki kimi, İsveçrənin "Holcim Auslandbeteiligungs GmbH.” şirkətinə, 14%-i isə fiziki şəxslərə məxsusdur.

Xatırladaq ki, "Holcim Azerbaijan" 2000-ci ildə yaradılıb. Onun nizamnamə kapitalı 31 812 880 manatdır.