DGK: Ötən il xarici ticarət dövriyyəsinin müsbət saldosu 2,2 mlrd. dollar olub

Bakı. 30 yanvar. REPORT.AZ/ Azərbaycanın xarici ticarət dövriyyəsində ötən ilin yekununda 2,2 mlrd. dollarlıq müsbət saldo yaranıb. "Report" xəbər verir ki, bunu Dövlət Gömrük Komitəsi sədrinin birinci müavini Səfər Mehdiyev gömrük xidmətinin yaradılmasının 24-illiyi münasibəti ilə keçirilən kollegiya iclasında çıxışı zamanı deyib.

S.Mehdiyev deyib ki, idxal edilən malların 53,4%-i gömrük rüsumundan azad olunub: "Ötən il 9,2 mlrd. ABŞ dolları civarında idxal, 11,4 mlrd. dollar dəyərində isə ixrac əməliyyatı aparılıb. Büdcə öhdəliyi 1,591 mlrd. manat həcmində olub ki, ona da 100,12% əməl edilib".