Bakı. 23 iyul. REPORT.AZ/ "Çin ABŞ ilə ticarət müharibəsi aparmağa can atmır".
"Report" RİA "Novosti"yə istinadən xəbər verir ki, bu barədə Çin Xarici İşlər Nazirliyinin rəsmi nümayəndəsi Gen Şuan bildirib.
"ABŞ ilə getdikcə şiddətlənən ticarət müharibəsindən danışırıqsa, Çin bu müharibəni istəmir. Amma, bu, o demək deyil ki, biz bundan qoruxuruq, lazım gələcəksə, mübarizə aparacağıq. Bu, bizim qəti və aydın mövqeyimizdir və əvvəllər dəfələrlə bunu səsləndirmişik", - G.Şuan deyib.
O əlavə edib ki, Çin ABŞ-a ticarət məsələlərində soyuqqanlılığı qorumağı və müvafiq problemləri ağılla həll etməyi məsləhət görür.