Britaniya hökuməti “Eurotunnel” şirkətinə 43,7 mln. dollar ödəyəcək

Bakı. 1 mart. REPORT.AZ/ Britaniya hökuməti “Eurotunnel” şirkərtinə 43,7 mln. ABŞ dolları ödəyəcək.

“Report” xarici KİV-ə istinadən xəbər verir ki, sözügedən məbləğin ödənilməsinin “Brexit”lə bağlı olduğu qeyd edilib.

Bildirilir ki, Britaniya hökuməti “Eurotunnel” şirkətinə sazişsiz “ Brexit” ssenarisinin həyata keçiriləcəyi təqdirdə, əlavə bərə xidmətlərinin göstərilməsi üzrə məhkəmə prosesinin nizamlanması üzrə razılaşma çərçivəsində 33 mln funt sterlinq (43,7 mln ABŞ dolları) ödəyəcək.

"Eurotunnel” ilə müqavilə hökumətə yüklərin daşınması üçün əlavə imkanlar təqdim edir və "Brexit" müqaviləsi olmadığı təqdirdə, Milli Səhiyyə Xidmətinin bütün zəruri dərmanlara sahib olmasını təmin etməyə kömək edir.