Bakıda “Transport B2B Forum” keçirilib

Bakıda “Transport B2B Forum” keçirilib Bu gün Caspian European Club Nəqliyyat və logistika mövzusuna həsr olunmuş “B2B Forum Baku” təşkil edib.
Biznes
11 Mart , 2020 15:17
Bakıda “Transport B2B Forum” keçirilib

Bu gün "Caspian European Club" "Nəqliyyat və logistika" mövzusuna həsr olunmuş “B2B Forum Baku” təşkil edib.

“Report” xəbər verir ki, "Caspian European Club" və "Caspian Energy" qrupunun sədri və baş icraçı direktoru Telman Əliyev məlumat verib ki, “B2B” forumu çərçivəsində “ADY KONTEYNER” MMC, “ASE ASIA SKY Express”, “Hellmann Worldwide Logistics”, “LV Caspian Shipping” şirkətlərinin nümayəndələri qısa təqdimatla çıxış edərək öz fəaliyyətləri barədə danışıblar.

Məlumata görə, B2B forumunda Azərbaycan Nəqliyyat, Rabitə və Yüksək Texnologiyalar Nazirliyi, Azərbaycan Gömrük Komitəsi, “Azərbaycan dəmir yolları” Qapalı Səhmdar Cəmiyyəti, “Bakı Beynəlxalq Dəniz Ticarət Limanı” Qapalı Səhmdar Cəmiyyəti, Azərbaycan Avtomobil Yolları Dövlət Agentliyi, Bakı Nəqliyyat Agentliyi nümayəndələri, həmçinin diplomatik missiya və beynəlxalq təşkilat rəhbərləri, iqtisadiyyatın müxtəlif sahələrini təmsil edən şirkətlərin top-menecerləri və ekspertlər iştirak ediblər.

B2B forum "Caspian European Club" tərəfindən beynəlxalq biznes-netvorkinq üçün yaradılmış unikal platformadır. Forum çərçivəsində biznes təmsilçiləri qısa təqdimatlar keçirir və öz fəaliyyətləri barədə məlumat verirlər.

Bakı, Almatı və Tbilisidə hər ay keçirilən B2B forum qeyri-rəsmi şəraitdə ünsiyyət və Azərbaycan, Gürcüstan, Qazaxıstan, həmçinin digər Xəzər-Qara dəniz və Baltik regionu ölkələrinin iqtisadiyyatının müxtəlif sahələrini təmsil edən şirkət rəhbərləri ilə yeni işgüzar əlaqələrin qurulması üçün əlavə platformadır.

Qeyd edək ki, sıralarında dünyanın 50 ölkəsindən 5 mindən artıq şirkət və təşkilatı birləşdirən "Caspian European Club" 2002-ci ilin iyununda yaradılıb. "Caspian European Club"un mənzil qərargahı Bakıda (Azərbaycan) yerləşir. "Caspian European Club"un həmçinin Gürcüstan və Qazaxıstanda rəsmi nümayəndəlikləri, ABŞ, Almaniya, Polşa, Latviya və Çexiyada səlahiyyətli nümayəndələri var.

Son xəbərlər

Orphus sistemi