Bakıda keyfiyyətin idarə edilməsinə dair təlimlərə başlanılıb

Bakıda keyfiyyətin idarə edilməsinə dair təlimlərə başlanılıb Təlim "Sənaye sahəsində işləyən mütəxəssislər üçün treninqlərin təşkili" layihəsi çərçivəsində təşkil olunub
Biznes
16 Mart , 2017 18:56
Bakıda keyfiyyətin idarə edilməsinə dair təlimlərə başlanılıb

Bakı. 16 mart. REPORT.AZ/ Bakıda İqtisadiyyat Nazirliyinin və Bakı Biznes Tədris Mərkəzinin təşkilatçılığı ilə “Sənaye sahəsində işləyən mütəxəssislər üçün treninqlərin təşkili” layihəsi çərçivəsində “Sənaye məhsulları üçün İSO:9001 beynəlxalq keyfiyyət standartı” mövzusunda təlimlərə başlanılıb.

Nazirlikdən "Report"a verilən xəbərə görə, iki gün davam edəcək təlimdə sənayenin qida, mebel, yüngül və tikinti sahələrində fəaliyyət göstərən yerli müəssisələrin nümayəndələri iştirak edəcək.

Treninqdə məhsulun keyfiyyəti, rəqabətqabiliyyətliyin yüksəldilməsində keyfiyyətin rolu, Keyfiyyət İdarəetmə Sistemi, keyfiyyət standartları və s. barədə məlumatlar iştirakçıların diqqətinə çatdırılacaq.

Qeyd edək ki, "Azərbaycanda sənayenin inkişafına dair 2015-2020-ci illər üçün Dövlət Proqramı"na uyğun olaraq, həyata keçirilən “Sənaye sahəsində işləyən mütəxəssislər üçün treninqlərin təşkili” layihəsinin məqsədi sənaye müəssisələrində çalışan mütəxəssislərin keyfiyyətin idarə edilməsi sahəsində məlumatlılıq səviyyəsinin artırılması və keyfiyyət standartlarının təşviq edilməsidir.

Son xəbərlər

Orphus sistemi