Bakı 26° C
https://static.report.az/photo/60deb1de-04a5-402f-a1cf-f278e83959c8.jpg
Bakı. 8 aprel. REPORT.AZ/ Aprel ayının 10-dan etibarən 1 ay müddətində Bakıda ilk dəfə olaraq keçiriləcək Bakı Ticarət Festivalı dövründə alınmış mallara görə əlavə dəyər vergisinin (ƏDV) qaytarılması 5 kommersiya bankının 15 filial və şöbələri tərəfindən həyata keçiriləcək.
Maliyyə Bazarlarına Nəzarət Palatasından "Report"a bildirilib ki, festivalın keçiriləcəyi ticarət mərkəzlərində və hava limanlarında bölmələrinin olması, habelə turistlərə bank xidmətlərinin göstərilməsi üzrə təcrübəsi nəzərə alınaraq müvəkkil bank qismində "Kapital Bank" ASC, "Bank Silkway" ASC, "Azərbaycan Sənaye Bankı" ASC, "YapıKredi Bank Azərbaycan" QSC və "PAŞA Bank" ASC müəyyən edilib.
"Bakı Ticarət Festivalının dövlət əhəmiyyəti və iqtisadi faydası nəzərə alınaraq valyuta mübadiləsi əməliyyatları daxil olmaqla, digər bank xidmətlərinin yüksək keyfiyyət və operativ həyata keçirilməsinə dair banklara bütün lazımi resursların ayrılması və əməkdaşların bu sahədə təlimatlandırılması tapşırılıb", - deyə Palatadan qeyd olunub.
Bakı Ticarət Festivalı zamanı Azərbaycan vətəndaşları ilə yanaşı, əcnəbilər və vətəndaşlığı olmayan şəxslərə ƏDV-nin qaytarılması müvəkkil bankların aşağıdakı filial və şöbələri tərəfindən həyata keçiriləcək:
| № | Adı | Filial və ya şöbə | Ünvan | Yaxın Ticarət Mərkəzi |
| “PAŞA Bank” ASC | Port Baku şöbəsi | Neftçilər prospekti,53 | Port Baku TM daxilində |
| “Kapital Bank” ASC | “Gənclik Mall” filialı | Fətəli Xan Xoyski prospekti | “Gənclik Mall” TM daxilində |
| “28 may filialı” | Azadlıq prospekti, 26 | “28 Mall” TM yaxın | |
| “YapıKredi Bank Azərbaycan” QSC | “Nərimanov Metropark” filialı | Təbriz küçəsi, 106A | “Metropark” TM daxilində |
| Səbail filialı | Nizami küçəsi, 69 | “Nərgiz Mall” TM yaxın | |
| 28 May fililalı | Rəşid Behbudov küçəsi, 8 | “Park Bulvar” TM və “28 Mall” TM yaxın | |
| “Azərbaycan Sənaye Bankı” ASC | Baş ofis | Zərifə Əliyeva küçəsi, 3 | “Nərgiz Mall” TM yaxın |
| “Park Bulvar” filialı | Neftçilər pr-ti, Dənizkənarı Bulvar | “Park Bulvar” TM daxilində | |
| “Bank Silkway” ASC | Baş ofis | Həsən Əliyev küçəsi, 131A | “Gənclik Mall” TM yaxın |
| 1 №-li filial | Nizami küçəsi, 142A | 28 Mall TM yaxın | |
| Hava limanları və dəniz limanının “tax free” bölməsi | ||||
| 1 saylı şöbə | H.Əliyev Beynəlxalq Hava Limanı, Terminal-1 | Gömrük keçid məntəqəsindən sonra | |
| Gəncə filialı | Gəncə Beynəlxalq Hava Limanı | Hava limanında | |
| Lənkəran filialı | Lənkəran Beynəlxalq Hava Limanı | Hava limanında | |
| Mübadilə şöbəsi | Qəbələ Beynəlxalq Hava Limanı | Hava limanında | |
| Şəhər Dəniz limanında "tax free" bölməsi | Bakı dəniz limanı | Gömrük keçid məntəqəsindən sonra | |
