"Azərsu" litium batareyalarının alınması üçün təkliflər sorğusu keçirir

Bakı. 17 fevral. REPORT.AZ/ “Azərsu” ASC smart kart tipli ön ödənişli su sayğacları üçün litium batareyaların satın alınması məqsədilə təkliflər sorğusu elan edib.

“Report” xəbər verir ki, bu barədə rəsmi mətbuatda məlumat verilib.

Təkliflər sorğusunda iddiaçı kimi iştirak etmək istəyənlər “Azərsu”nun (Bakı şəhəri, Moskva prospekti,67) Satınalmaların təşkili və idarə olunması Departamentinə müraciət edə bilərlər.

İddiaçılar təkliflərini fevralın 22-si saat 18:00-dan gec olmamaq şərti ilə yuxarıda qeyd edilən ünvana təqdim etməlidirlər.

İştirakçıların təklifləri fevralın 23-ü saat 15:00-da “Azərsu”da açılacaq.