"AzerGold" dəyəri 3 milyon dollardan çox olan tender keçirir

"AzerGold" QSC kəşfiyyat buruq-qazma, geotexniki sahə tədqiqatları və laborator təhlillər, geofiziki işlər və nəticələrin təhlili, resursların hesablanması və mədən (karxana) modellərinin layihələndirilməsinə dair işlərin satın alınması üçün dəyəri 3 milyon ABŞ dollarının manat ekvivalentindən çox olan açıq tender elan edib.

“Report” xəbər verir ki, tenderdə iştirak haqqı 1 000 manatdır.

İddiaçılar ilkin sənədləri martın 3-ü, saat 15:00-a qədər, tender təklifi və onun dəyərinin 1%-i qədər bank təminatını isə martın 12-si, saat 15:00-a qədər Bakı şəhəri, Mikayıl Müşfiq küçəsi, 2H ünvanına təqdim edə bilərlər. Əlaqələndirici şəxs Aygül Tağıyevadır. Telefon: (012) 505-02-02.

Təkliflərə martın 15-də, saat 15:00-da qeyd olunan ünvanda baxılacaq.