Bakı. 7 noyabr. REPORT.AZ/ Bu gün Bakıda keçirilən Azərbaycan-Monako biznes forumunda iki ölkə arasında əməkdaşlığa dair 3 anlaşma memorandumu imzalanıb.
"Report" xəbər verir ki, əməkdaşlığa dair anlaşma memorandumları Azərbaycanda İxracın və İnvestisiyaların Təşviqi Fondunun (Azpromo) və Monako İqtisadiyyat Palatası, Azərbaycan Ticarət və Sənaye Palatası və Monako İqtisadiyyat Palatası, habelə "AzAlternativ Enerji" MMC ilə Monako Bərpa olunan enerji və ekologiya Palatası arasında imzalanıb.
Forum ikitərəfli görüşlərlə davam etdirilib.