Bakı. 21 iyun. REPORT.AZ/ “Made in Azerbaijan" brendinin təşviqi məqsədilə növbəti ixrac missiyası iyunun 25-29-da İsveçrədə təşkil olunacaq.
İqtisadiyyat Nazirliyindən "Report"a verilən məlumata görə, ixrac missiyasına müsabiqə əsasında seçilmiş fındıq istehsalı sahəsində fəaliyyət göstərən 12 Azərbaycan şirkəti daxildir.
Missiya çərçivəsində Azərbaycan və İsveçrə şirkətləri arasında ikitərəfli görüşlərin təşkili, iqtisadi-ticarət əlaqələrin genişləndirilməsinə dair müzakirələrin aparılması və Azərbaycan məhsullarına dair təqdimatların keçirilməsi nəzərdə tutulur.