Bu ilin yanvar-may ayları ərzində Azərbaycan 23,9 mln. dollarlıq metanol (metil spirti) ixrac edib.
“Report” xəbər verir ki, ötən ilin müvafiq dövründə bu göstərici 2,6 mln. dollar təşkil edib. Beləliklə, metanol ixracında 9 dəfədən çox artım qeydə alınıb.
Qeyd edək ki, bu ilin yanvar-may aylarında 145,1 min ton metanol istehsal edilib.
Bu həcm ötən ilin müvafiq dövründən 7,2 dəfə çoxdur.
Xatırladaq ki, metanol istehsalı Qaradağ rayonunda yerləşən Azərbaycan Dövlət Neft Şirkətinin (
Metanol Zavodu 2013-cü ildə istismara verilib. Zavod 2016-cı ildən SOCAR-ın törəmə müəssisəsi olan “SOCAR Methanol” MMC-nin idarəçiliyi altında fəaliyyət göstərir, 2017-ci ilin avqust ayından isə şirkətin mülkiyyətinə keçib. Müəssisə illik 650-700 min ton metanol istehsal etmək gücünə malikdir. İstehsalatda xammal olaraq təbii qaz və duzlaşdırılmış su istifadə olunur.