Azərbaycanın Cənubi Koreyaya təşkil etmək istədiyi ixrac missiyasına maraq göstərən olmayıb

İqtisadiyyat Nazirliyi yanında Azərbaycanda İxracın və İnvestisiyaların Təşviqi Fondu gələn ayın 20-25-də Cənubi Koreyanın paytaxı Seula təşkil etmək istədiyi ixrac missiyasını ləğv edib. 

Bu barədə "Report"a nazirlikdən bildirilib. 

Məlumata görə, buna səbəb sahibkarların missiyaya maraq göstərməməsidir. 

Qeyd edək ki, missiya çərçivəsində Azərbaycanın "Seoul Food 2019” sərgisində vahid ölkə stendi ilə iştirakı da planlaşdırılırdı. Bu tədbir də ləğv olunub.