Azərbaycanın BMT ilə əməkdaşlığının genişləndirilməsi müzakirə edilib

"2021-2025-ci illər üçün BMT və Azərbaycan arasında Dayanıqlı İnkişaf üzrə Əməkdaşlığa dair Çərçivə Sənədinin icrası üzrə İstiqamətləndirici Komitənin iclasında BMT-nin Ölkə üzrə İdarə Heyəti (United Nations in Azerbaijan) ilə əməkdaşlığın genişləndirilməsi imkanlarını müzakirə etdik".

"Report" xəbər verir ki, bunu iqtisadiyyat naziri Mikayıl Cabbarov feysbukdakı hesabında bildirib.

O qeyd edib ki, sənədin icrası dayanıqlı sosial iqtisadi inkişafa, işğaldan azad olunmuş ərazilərimizin bərpasına və milli prioritetlərin reallaşdırılması istiqamətində layihələrin həyata keçirilməsinə töhfə verəcək.