Azərbaycanda maliyyə və sığorta fəaliyyətinə maraq artıb

Bakı. 22 yanvar. REPOORT.AZ/ Azərbaycanda 2014-cü il ərzində Statistik vahidlərin Dövlət Registrində müəssisə və təşkilatların sayı 9,9% artaraq 2015-ci il yanvarın 1-i vəziyyətinə 94 563 vahid olub.

"Report"un Dövlət Statistika Komitəsinə istinadən verdiyi xəbərə görə, bunun 1,6%-ni və ya 1 509-nu maliyyə və sığorta fəaliyyəti üzrə təsərrüfat subyektləri təşkil edib. Beləliklə, bu göstərici illik müqayisədə 6,04% artıb.

Statistikaya görə, artım əsasən fəaliyyət növlərinin "Təhsil", "Digər sahələrdə xidmətlərin göstərilməsi", "Daşınmaz əmlakla əlaqədar əməliyyatlar", "Peşə, elmi və texniki fəaliyyət", "İnformasiya və rabitə" bölmələrində daha da nəzərə çarpacaq dərəcədə olub.