Azərbaycanda 10 ayda əmək müqaviləsi olmadan işləyən 3484 şəxs aşkar olunub

Azərbaycanda 10 ayda əmək müqaviləsi olmadan işləyən 3484 şəxs aşkar olunub Bu ilin yanvar-oktyabr aylarında Azərbaycanda vergi orqanlarının keçirdiyi operativ nəzarət tədbirləri nəticəsində əmək müqaviləsi olmadan işə cəlb edilən 3484 şəxs aşkar olunub.
Biznes
18 Noyabr , 2022 13:55
Azərbaycanda 10 ayda əmək müqaviləsi olmadan işləyən 3484 şəxs aşkar olunub

Bu ilin yanvar-oktyabr aylarında Azərbaycanda vergi orqanlarının keçirdiyi operativ nəzarət tədbirləri nəticəsində əmək müqaviləsi olmadan işə cəlb edilən 3484 şəxs aşkar olunub.

"Report" İqtisadiyyat Nazirliyi yanında Dövlət Vergi Xidmətinə istinadən xəbər verir ki, bunu qurumun İqtisadi təhlil və uçota nəzarət Baş İdarəsinin Sosial sığorta və əmək münasibətlərinə nəzarət idarəsinin rəisi Nigar Vahabzadə bildirib.

"İşçilərin əmək müqaviləsi olmadan işə cəlb edilməsi faktları aşkara çıxarılarkən işəgötürənlərə maliyyə sanksiyaları tətbiq olunur. Belə ki, Vergi Məcəlləsinin 58.10-cu maddəsinə əsasən, Əmək Məcəlləsində nəzərdə tutulmuş qaydada əmək müqaviləsi (kontrakt) hüquqi qüvvəyə minmədən fiziki şəxslərin işlərin (xidmətlərin) yerinə yetirilməsinə cəlb edilməsi yolu ilə onların gəlirlərinin gizlədilməsinə (azaldılmasına) şərait yaradıldığına görə, işəgötürənə hər bir belə şəxs üzrə təqvim ili ərzində bu cür hallara birinci dəfə yol verdikdə 2 min manat, ikinci dəfə yol verdikdə 4 min manat, üç və daha çox dəfə yol verdikdə isə 6 min manat məbləğində maliyyə sanksiyası tətbiq olunur", - deyə o, qeyd edib.

Son xəbərlər

Orphus sistemi