Azərbaycan Yekaterinburqda beynəlxalq sənaye sərgisində iştirak edəcək

Azərbaycan iyulun 8-11-də Rusiyanın Yekaterinburq şəhərində keçiriləcək "INNOPROM” beynəlxalq sənaye sərgisində iştirak edəcək.

“Report” xəbər verir ki, bununla bağlı İqtisadiyyat Nazirliyinə məxsus “Tikinti-Təchizat Birliyi” MMC hazırlıqlara başlayıb.

Sərgidə 7 ixracatçı şirkətin iştirakı planlaşdırılır. Sərginin əhatə etdiyi sahələr (məhsullar): yod, metallar və onlardan hazırlanan məmulatlar, nəqliyyat vasitələri, elektrik cihazları, IT və anbar saxlanc xidmətləridir.