Azərbaycan tikinti və inşaat materialları sərgisində təmsil olunacaq

İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə Azərbaycan məhsulları 30 mart - 2 aprel tarixlərində Rusiyanın paytaxtı Moskvada keçiriləcək “MosBuild 2021” beynəlxalq tikinti və inşaat materialları sərgisində 2-ci dəfə “Made in Azerbaijan” vahid ölkə stendində nümayiş olunacaq.

Bu barədə "Report" AZPROMO-dan bildirilib.

Məlumata görə, sərgi çərçivəsində potensial müştərilərlə görüşlər keçiriləcək, məhsulların ixracına dair müzakirələr aparılacaq.