Azərbaycan şirkətləri Özbəkistanda iş qurmağa dəvət edilib

Bakı. 7 mart. REPORT.AZ/ Özbəkistan Azərbaycan şirkətlərini ölkənin Surxandərya və Navoi vilayətlərində fəaliyyət göstərmək üçün dəvət edir.

“Report” xəbər verir ki, bu barədə İqtisadiyyat Nazirliyi yanında Azərbaycanda İxracın və İnvestisiyaların Təşviqi Fondunun açıqlamasında bildirilir.

“Sahibkarlar üçün səmərəli biznes şəraiti yaradılıb, şirkətlər bir çox vergilərin ödənilməsindən azad olunurlar”, - deyə məlumatda qeyd olunub.