Azərbaycan şirkəti nizamnamə kapitalını 30% azaldır

“Gedik Carçı KaynaK” MMC nizamnamə kapitalını 1 300 030 və yaxud 30% azaldaraq 4 333 433 manatdan 3 033 403 manata endirdiyini elan edib.

“Report” bu barədə İqtisadiyyat Nazirliyi yanında Dövlət Vergi Xidmətinin "Vergilər" qəzetinə istinadən xəbər verir.

Məlumata görə, azalmaya səbəb "Carçıoğlu Group" MMC-nin şirkətin təsisçiliyindən çıxmasıdır. Buna görə də, ona məxsus, Qazax rayonunun Xanlıqlar kəndində yerləşən əmlak kompleksi geri qaytarılır.