Azərbaycan şirkəti “Apple”in rəsmi tərəfdaşı olub

Bakı. 18 sentyabr. REPORT.AZ/ “My Shops” MMC sentyabrın 5-dən ABŞ-ın “Apple İnc.” korporasiyasının Azərbaycanda rəsmi tərəfdaşı olub.

“Report” xəbər verir ki, bundan sonra “Myshops” mağazasından alınan bütün məhsullara "Apple"in yerli və beynəlxəlq servis zəmanəti hədiyyə olaraq təqdim olunacaq.

Xatırladaq ki, “My Shops” şirkəti Dubayda (BƏƏ) fəaliyyət göstərən “My Shops General Trading LLC” şirkətinin törəməsidir. Hazırda şirkətin Bakıda 2 mağazası və 1 servis mərkəzi var ki, onların da “Apple” tərəfindən təsdiqlənmiş AID nömrələri 1986023, 1986024 və 1986028-dir.

Şirkətlər barədə ətraflı məlumatı myshops.az və myshops.ae saytlarından əldə etmək olar.