Azərbaycan sement idxalına çəkdiyi xərci 41% artırıb

Bakı. 17 yanvar. REPORT.AZ/ 2018-ci ildə Azərbaycan 9 799,48 min ABŞ dolları dəyərində 41 532,19 ton sement idxal edib.

“Report”un Dövlət Gömrük Komitəsinə istinadən verdiyi məlumata görə, bu, həcm baxımından 2017-ci illə müqayisədə 11 927,61 ton (36,15%), məbləğ baxımından isə 2 833,1 min dollar (40,7%) çoxdur.

Ötən il sement idxalı Azərbaycanın ümumi idxalının 0,1%-ni təşkil edib.