Azərbaycan-Latviya Hökumətlərarası Komissiyasının iclası keçiriləcək

Koronavirus (COVID-19) pandemiyası ilə bağlı epidemioloji vəziyyət imkan versə, bu ilin II yarısında Riqada Azərbaycan-Latviya Hökumətlərarası Komissiyasının iclası keçiriləcək.

“Report” xarici mətbuata istinadən xəbər verir ki, bunu Latviyanın nəqliyyat naziri Talis Linkaits Azərbaycanın Latviyadakı səfiri Cavanşir Axundovla görüşdə deyib.

Tərəflər görüşdə Komissiyanın fəaliyyətinin gücləndirilməsi imkanlarını müzakirə edib, onun iclasına qədər nazirlər, sahibkarlar səviyyəsində əməkdaşlığı davam etdirməyin vacibliyini vurğulayıblar.