Azərbaycan GECF-in toplantısında iştirak edəcək

Oktyabrın 23-25-də Misirin paytaxtı Qahirə şəhərində Qaz İxrac Edən Ölkələr Forumunun (GECF) Nazirlərin 24-cü toplantısı keçiriləcək.

“Report” bu barədə xarici mətbuata istinadən xəbər verir.

Məlumata görə, tədbirdə Əlcəzair, Boliviya, Misir, Ekvatorial Qvineya, İran, Liviya, Nigeriya, Qətər, Rusiya, Trinidad və Tobaqo, Venesuela, Anqola, Azərbaycan, İraq, Malayziya, Mozambik, Norveç kimi 19 üzv ölkə, o cümlədən müşahidəci qismində Peru və Birləşmiş Ərəb Əmirlikləri iştirak edəcək.

Qeyd edək ki, GECF 2001-ci ildə yaradılıb. GECF-ə üzv ölkələr qlobal təsdiqlənmiş təbii qaz ehtiyatlarının 72 %-ni, bazara çıxarılan istehsalın 43 %-ni, boru kəməri ilə ixracın 55 %-ni və mayeləşdirilmiş təbii qaz (LNG) ixracının 50 %-ni əhatə edir