Azərbaycan Akkreditasiya Mərkəzi Avropa Akkreditasiya Təşkilatının ikitərəfli tanınma sazişinə qoşulmaq istəyir

Bakı. 29 mart. REPORT.AZ/ Hazırda Standartlaşdırma, Metrologiya və Patent üzrə Dövlət Komitəsi yanında Azərbaycan Akkreditasiya Mərkəzinin Avropa Akkreditasiya Təşkilatının ikitərəfli tanınma sazişinə qoşulması ilə bağlı işlər aparılır. 

"Report" xəbər verir ki, bunu Dövlət Komitəsinin sədr müavini Niyaz Rəhimov deyib. 

"Azərbaycan Akkreditasiya Mərkəzi artıq Avropa Akkreditasiya Təşkilatının assosiativ üzvüdür. Hazırda ikitərəfli tanınma sazişinə qoşulmaqla bağlı Avropa İttifaqı ilə birlikdə "Azərbaycanda milli akkreditasiya sisteminin gücləndirilməsi " adlı tvinninq layihəsi icra olunmaqdadır", - o qeyd edib.