Avropa İttifaqı Azərbaycanda biznes statistikası sahəsinə dəstək olacaq

Avropa İttifaqı Azərbaycanda biznes statistikası sahəsinə dəstək olacaq Bu tvinninq layihəsində əsas benefisiar təşkilatlar Dövlət Statistika Komitəsi və İqtisadiyyat Nazirliyi yanında Dövlət Vergi Xidmətidir
Biznes
1656
29 Sentyabr , 2020 15:03
Avropa İttifaqı Azərbaycanda biznes statistikası sahəsinə dəstək olacaq

Bu gün Avropa İttifaqı tərəfindən maliyyələşdirilən “Biznes statistikası sahəsində məlumatların toplanması, işlənilməsi, təhlili, nəşri və yayımlanması işlərini gücləndirmək məqsədilə Dövlət Statistika Komitəsinə və İqtisadiyyat Nazirliyi yanında Dövlət Vergi Xidmətinə dəstək” Tvinninq layihəsinin rəsmi açılış tədbiri videokonfrans formatında keçirilib.

“Report”un Dövlət Statistika Komitəsinə istinadən verdiyi məlumata görə, layihə Finlandiya Statistika İdarəsi (konsorsium rəhbəri), Litva Statistika Departamenti və Niderland Mərkəzi Statistika Bürosundan ibarət konsorsium tərəfindən həyata keçirilir. Əsas benefisiar təşkilatlar Dövlət Statistika Komitəsi və İqtisadiyyat Nazirliyi yanında Dövlət Vergi Xidmətidir.

17 ay davam edəcək bu Tvinninq layihəsinin ümumi məqsədi Azərbaycanda özəl sektorun/kiçik və orta biznesin fəaliyyətinə dair məlumatların toplanması, işlənilməsi, təhlili, nəşri və yayımlanması sahəsində yerli mütəxəssislərin potensialının artırılmasından ibarətdir.

Layihə çərçivəsində statistik biznes reyestrlərini təkmilləşdirmək və istifadəçilərin biznes statistikasına olan tələbatı nəzərə alınmaqla biznes statistikasının metodologiyasını Aİ standartlarına uyğunlaşdırmaq məqsədilə Dövlət Statistika Komitəsinin və İqtisadiyyat Nazirliyi yanında Dövlət Vergi Xidmətinin potensialının artırılmasını hədəfləyən missiyaların həyata keçirilməsi nəzərdə tutulub.

Son xəbərlər

Orphus sistemi