Almaniya tibbi qoruma vasitələrinin ixracını dayandırıb

Almaniya hökuməti tibbi qoruma vasitələrinin ixracına qadağa qoyub.

“Report” xəbər verir ki, bu barədə ölkənin Səhiyyə Nazirliyinin “Twitter”dəki səhifəsində bildirilir:

“Hər cür tibbi qoruma vasitələrinin, yəni maska, əlcək, xüsusi geyimlərin ölkə ərazisindən çıxarılması qadağandır. İstisna halları məhdud sayda ola bilər”.

Xatırladaq ki, Robert Kox İnstitutunun açıqlamasına görə, ölkədə koronavirusa yoluxma hallarının sayı bu gün səhər saatlarında 240-a çatıb.