Almaniya hər il 200 min miqrant qəbul edəcək

Almaniyada bu ilin mart ayından qüvvəyə minəcək qanuna görə, hər il Avropa İttifaqına üzv olmayan ölkələrdən 200 min miqrant qəbul ediləcək. 

"Report" bu barədə xarici mətbuata istinadən xəbər verir. 

Məlumata görə, həmin qanun viza prosedurlarının sadələşdirilməsini və yüksək ixtisaslı insanların Almaniyaya köçməsinin sürətləndirilməsini nəzərdə tutur. 

Qeyd edək ki, dünyanın inkişaf etmiş iqtisadiyyatlarından birinə malik olan Almaniya eyni zamanda əhalisi sürətli yaşlanan ölkələrdən biridir. Bu isə sosial xərcləri artırır.