"Airbus"un törəmə şirkətinin Azərbaycandakı filialı ləğv olunur

Təyyarə istehsalı üzrə Fransa-Almaniya birgə müəssisəsi "Airbus" şirkətinin törəməsi "Airbus Defence And Space SAS" şirkətinin Azərbaycandakı filialı ləğv olunduğunu elan edib.

“Report” bu barədə İqtisadiyyat Nazirliyi yanında Dövlət Vergi Xidmətinin "Vergilər" qəzetinə istinadən xəbər verir.

Məlumata görə, kreditorlar 2 ay ərzində tələblərini Bakı şəhəri, Səbail rayonu, Nizami küçəsi, ev 90 A ünvanına bildirə bilərlər.

Xatırladaq ki, sözügedən filial 2016-cı ildən fəaliyyət göstərir.