ABŞ-ın texnologiya nəhənglərinin xalis mənfəəti təxminən 2 dəfə artıb

Bu ilin I rübündə ABŞ-ın texnologiya nəhəngi “Apple” şirkətinin xalis mənfəəti ötən ilin eyni dövrü ilə müqayisədə 2,1 dəfə artaraq 23,6 milyard dollara çatıb.

“Report” bu barədə xarici mətbuata istinadən xəbər verir

Məlumata görə, yanvar-mart aylarında “Apple”ın gəliri illik müqayisədə 53,7% artaraq 89,6 milyard dollar, o cümlədən “iPhone” satışlarından gəliri 65,5% artaraq 47,9 milyard dollar, “iPad” satışlarından gəliri 78,7% artaraq 7,8 milyard dollar, “Mac” satışlarından gəliri isə 70,1% artaraq 9,1 milyard dollar olub.

Hesabat dövründə ABŞ-ın digər texnologiya nəhəngi “Facebook” şirkətinin isə xalis mənfəəti 9,5 milyard dollar olub ki, bu da, illik müqayisədə 94% çoxdur. 3 ay ərzində “Facebook”un gəliri isə illik müqayisədə 48% artaraq 26,2 milyar dollara çatıb.

Martın sonuna “Facbook”un gündəlik aktiv istifadəçi sayı illik müqayisədə 8% çox - 1,88 milyard nəfər, aylıq aktiv istifadəçi sayı isə 10% çox - 2,85 milyard nəfər təşkil edib.